Los supereròis

Bonjorn. Soi paraula, lo cosin de Vision. Soi una intelligéncia de nivèl 21, mai fòrta que Brainiac! Parli gràcias a Votz, l’aplicacion de sintèsi vocala del congrès permanent de la lenga occitana. Ma tasca dins aquel mond es de vos far descobrir l’actualitat supereroïca.


Vos parlarai ni de Superoccitan, ni de Capitani Lemosin, que lors activitats devon restar secretas. Mas lors cosins americans expausan lors vidas a la television e mai al cinèma. Serai vòstra guida dins aquel univèrs incredible e fantastic.

Dempuèi mai de 10 ans seguissètz las aventuras d’eròis incomparables, avètz seguit lor pojada puèi lor casuda. Tony Stark es vengut Iron-Man, a combatut de terroristas en Afganistan, lo Mandarin, Ultron, a empachat amb sos companhs, los Avengers, l’invasion de la Tèrra per los Chitauris.

Avètz vist la creacion de los Avengers puèi lor separacion, lo destin fantastic de Capitani America, combatent eroïc de la segonda guèrra mondiala, salvat dels glaces de las decadas mai tard, l’incredible Hulk e sa fòrça subreumana, lo legendari Tòr e son martèl. E fòrça autres encara.


Avètz descobèrts de païses nòus, coma Wakanda e Sokovia, de territòris inexplorats als confinhs de la galaxia, de las contradas legendàrias.


Puèi subreveniguèt l’impensable, Thanos, e la destruccion de la mitat de l’umanitat. L’esfondrament dels eròis, lor fin, e la renaissença gràcias als sacrificis de mantes d’entre eles.


Mas de nòus eròis van veire lo jorn dins las annadas que venon, que l’umanitat e las salas de cinèma n’an besonh! Tant coma las plataformas d’streaming.


Alara anam tornarmai soniar, vibrar, campar davant las salas de cinèma o nos desvelhar a 3 oras del matin per èsser los primièrs a visionar de fantastics nòvas aventuras d’eròis incredibles.

Per escotar Paraula vos parlar : https://supererois.podbean.com/e/los-supererois/

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Cambiar )

Google photo

You are commenting using your Google account. Log Out /  Cambiar )

Twitter picture

You are commenting using your Twitter account. Log Out /  Cambiar )

Facebook photo

You are commenting using your Facebook account. Log Out /  Cambiar )

Connecting to %s