Avem tots un supereròi en nosautres, fai mestier nonmàs d’un pauc de magia per lo traire. Dins lo cas de Billy Batson, en cridant un mot – SHAZAM! -, aquel goiat adoptat de 14 ans pòt venir lo supereròi adulte Shazam, emb l’amable consentiment d’un ancian mague. Es enquera un mainatge au fons: dins d’un còrs musclat e divin, Shazam se rejauvís d’aquela version adulta de se-mesme en fasent çò que qual adolescent que siá fariá emb daus superpoders: se divertir amb ilhs! Pòt volar? A una vision emb rais X? Pòt tirar un rai amb las siás mans? Pòt mancar los contròlas d’estudis sociaus? Shazam entrepren de testar los limits de sas capacitats emb la joiosa manca de preocupacion d’un mainatge. Mas li chaudrà dominar rapidament aquilhs poders per luchar contra las fòrças mortalas dau mau controladas per lo Dr. Thaddeus Sivana.
